Կլիմայի դիմակայունություն

Կլիմայի դիմակայունություն

© Foto: Shushanik Nersesyan

Փաստերի վրա հիմնված կենսապահովման և շրջակա միջավայրի պահպանման մեր ծրագրերն ուղղված են կլիմայական փոփոխությունների մրցակցային լուծումների իրականացմանը։ Այս լուծումները հիմնված են շուկայի և բովանդակային խորքային վերլուծությունների վրա` արդյունավետ վարքագծային փոփոխությունների ռազմավարություններ իրագործելու համար։ Մեր աշխատանքներն արտացոլում են կլիմայի փոփոխությունների հետևանքների կարևորությունը․ մշակում ենք ծրագրեր, որոնք նպաստում են կլիմայական փոփոխությունների և շրջակա միջավայրի դեգրադացիայի հանդեպ խոցելի մարդկանց դիմակայունությանը։ Այս ամենն արվում է բուսականության աճի և ցիկլային տնտեսական սկզբունքների հետ միասին լուծումներ առաջարկելով, որոնք կնվազեցնեն ջերմոցային գազի արտանետումները և կկուտակեն ածխածին։

Կենսապայմանները և շրջակա միջավայրը բարելավելը մեր ռազմավարական հիմնասյուներից մեկն է և այս ուղղությամբ ծրագրեր ունենալն առաջնահերթ նշանակություն ունի «Մարդը կարիքի մեջ» ՀԿ-ի գրեթե բոլոր ներկայացուցչություններում։ Մենք զգալի քանակով միջոցառումներ ենք իրականացրել։ Մեր ծրագրերի մեծ մասն ուղղված է խոցելի խմբերի հմտությունների զարգացմանը՝ բարելավելու նրանց սոցիալ-տնտեսական վիճակը և ամրապնդելու նրանց անկախությունը՝ հումանիտար կամ պետական աջակցությունից։ 

Կարդալ ավելին Փակել

նախորդ աշխատանքները

Կրճատե՛նք, վերաօգտագործե՛նք, դառնա՛նք բնության ընկերը

Կրճատե՛նք, վերաօգտագործե՛նք, դառնա՛նք բնության ընկերը

Իրականացրել ենք պլաստիկ տոպրակների օգտագործման նվազեցմանն ուղղված «Կրճատե՛նք, վերաօգտագործե՛նք, դառնա՛նք բնության ընկերը» ծրագիրը Հայաստանում Բրիտանիայի դեսպանատան ֆինանսավորմամբ։ Ծրագրի նպատակն էր վարքային փոփոխությունների միջոցով նվազեցնել պլաստիկ տոպրակների կիրառումը ու ձեռք բերել նոր սովորույթ. օգտվել բազմակի օգտագործման տոպրակներից՝ հնարավորինս շատ հրաժարվելով պլաստիկ տոպրակների կիրառումից: 

Խրախուսելով հանրության լայն զանգվածներին՝ կրճատել պլաստիկ տոպրակների օգտագործումը և գնումներ կատարելիս հնարավորության դեպքում հրաժարվել վերջիններից, պատրաստել ենք նաև հետաքրքրաշարժ կոլորիտով գրպանի, թեթև տոպրակներ թե՛ կանանց, և թե՛ տղամարդկանց համար:
 
Ծրագրի շրջանակում Սյունիքի մարզում անցկացվել է հետազոտություն, որի արդյունքների հիման վրա էլ ձևավորվել են տեղեկատվական արշավներն ու տոպրակների դիզայնը։ Հետազոտությունն ամբողջությամբ հասանելի է այստեղ։

Բազմակի օգտագործման տոպրակներ են փոխանցվել նաև գործընկեր կազմակերպություններին՝ խրախուսելու սովորույթ դարձնել վերջիններիս օգտագործումը։  Պլաստիկ տոպրակների կրճատման իրազեկության արշավին միացել  են նաև հայտնի դերասաններ, սյունեցի սիրված ուսուցիչներ, բժիշկներ և այլ քաղաքացիներ:

Պատրաստվել է նաև սոցիալական գովազդ հանրության լայն շրջանակներին տեղեկացնելու պլաստիկ տոպրակների վնասակարության ու դրանցից հնարավորինս հրաժարվելու մասին։
ԵՄ-ն Շիրակի մարզի համար․ նոր աշխատատեղեր՝ շնորհիվ բրդի արտադրության

ԵՄ-ն Շիրակի մարզի համար․ նոր աշխատատեղեր՝ շնորհիվ բրդի արտադրության

«Մարդը կարիքի մեջ» ՀԿ-ն՝ Եվրոպական միության և ՀՀ Կառավարության համաֆինանսավորմամբ, ինչպես նաև Ամասիայի համայնքապետարանի, «Կանանց Զարգացման Ռեսուրս կենտրոն» հիմնադրամի և Շիրակի մարզի առևտրաարդյունաբերական պալատի հետ համագործակցությամբ  մշակել է Շիրակի մարզում բրդի արժեշղթայի զարգացմանն ու մոդերնիզացիային ուղղված ծրագիր՝ ստեղծելով նաև  ոչխարաբուծությունից մինչև բրդյա թելի և ապրանքների արտադրության առաջխաղացման հնարավորություն։ Մշակել ենք բրդի արտադրության և արհեստների զարգացման նախաձեռնություն, որը նպաստում է մարզում աշխատատեղերի ստեղծմանը և փոքր ու միջին ձեռնարկությունների (ՓՄՁ) զարգացմանը, խթանելով բնակչության՝ մասնավորապես կանանց զբաղվածության և ՓՄՁ-ների տնտեսական մրցունակության բարձրացմանը։ 

Որպես ծրագրի հիմնական արդյունք, Ամասիա համայնքում հիմնադրվել է Ամասիայի բրդի գործարանը։ Տեղացի և օտարերկրյա մասնագետները դասընթացներ են անցկացրել ապագա աշխատակիցների և հետաքրքրվող անձանց համար, ովքեր բրդի գործարանի և բրդի արժեշղթայում գործող ՓՄՁ-ների շնորհիվ ապահովվում են մշտական աշխատանքով։

Ծրագրի շնորհիվ՝ բրդի արժեշղթայում 6 նոր փոքր ձեռնարկություն է նաև հիմնադրվել։Այս ծրագիրը  մեծապես նպաստում է որակյալ բրդյա թելերի և ապրանքների արտադրությանը, իսկ ստեղծվող ապրանքները համապատասխանեցվում են տեղական փորձին և միջազգային շուկայի պահանջներին, ինչպես նաև նորաձևության միտումներին: Ծրագրի մասին մանրամասն տեղեկատվություն կարող եք ստանալ այստեղ։