Հումանիտար ծրագրեր

Հումանիտար ծրագրեր

Արագ արձագանքում․ խնամքի պարագաների տրամադրում Հայաստանում հակամարտությունից տուժած բնակչությանը

Լեռնային Ղարաբաղի հակամարտության արդյունքում բնակչության մեծ մասը տեղափոխվել է Հայաստան։ Տեղահանվածներից շատերն ապրում են հյուրընկալող ընտանիքներում կամ այնպիսի կացարաններում, որոնք հարմարեցված չեն երկարատև բնակության համար, բավարար չեն նաև շենքային ու խնամքի ապահովման համար անհրաժեշտ պայմանները։ Ստեղծված իրավիճակը մտահոգիչ է նաև ՔՈՎԻԴ-19 համավարակի համատեքստում, քանի որ այս պայմանները նպաստում են համավարակի արագ տարածմանը և խորացնում COVID-19-ի ճգնաժամը։

Եվրոպական միության կողմից ֆինանսավորվող և «Մարդը կարիքի մեջ» ՀԿ-ի կողմից իրականացվող այս ծրագիրը միանվագ աջակցություն է ցուցաբերում հակամարտությունից տուժած և հյուընկալող խոցելի ընտանիքներին՝ տրամադրելով նրանց խնամքի համար անհրաժեշտ պարագաներ։ Ծրագրի շահառուների ընդհանուր թիվը հասնում է շուրջ 2400-ի։

«Մարդը կարիքի մեջ» կազմակերպության կողմից տրամադրվող խնամքի պարագաների փաթեթների պարունակությունը համապատասխանեցված է առողջապահության ազգային և միջազգային ստանդարտներին։

Փաթեթները ներառում են համավարակի կանխարգելման, խնամքի ու կենցաղի համար անհրաժեշտ ավելի քան երկու տասնյակ պարագաներ տարբեր քանակություններով։ Կտրամադրվեն ընտանեկան փաթեթներ ընդհանուր օգտագործման համար և լրացուցիչ փաթեթներ՝ նախատեսված երեխաների, կանանց և ծերերի անհատական օգտագործման համար։

Ծրագրի շրջանակում «Մարդը կարիքի մեջ» կազմակերպությունը հակամարտությունից տուժած բնակչության հետագա կարիքների գնահատման նպատակով կիրականացնի նաև հետազոտություն՝ նրանց կարիքներն ու տրամադրվող օգնության հասցեականությունն ուսումնասիրելու համար։

Ծրագրին իրականացվում է Սյունիքի մարզի Գորիս քաղաքում և Տեղ խոշորացված համայնքում:


Հումանիտար աջակցություն հակամարտությունից տուժած խոցելի խմբերի համար

Ծրագրի նպատակն է աջակցել Հայաստանում հակամարտությունից տուժած բնակչությանը, ինչպես նաև Հայաստանում նրանց հյուրընկալող անապահով ընտանիքներին։

Ծրագիրն իրականացվում է Եվրահանձնաժողովի Եվրոպական քաղաքացիական պաշտպանության եւ հումանիտար օգնության վարչության ֆինանսավորմամբ (ECHO)՝ «Մարդը կարիքի մեջ» հասարակական կազմակերպության կողմից՝ ACTED, REACH, «Հայաստանի սոցիալական աշխատողների ասոցիացիայի» (AASW) և «ԵՀԽ հայաստանյան Կլոր սեղան հիմնադրամի» հետ համագործակցությամբ։

Շուրջ 20, 000 շահառուներ կստանան հումանիտար աջակցություն հրատապ կարիքների համար․ ներառյալ կացարանի պայմանների բարելավում, խնամքի պարագաների տրամադրում, հոգեբանական աջակցություն։

«Մարդը կարիքի մեջ» կազմակերպությունը մասնավորապես կբարելավի կացարանների կենցաղային պայմաններն ու կաջակցի հյուրընկալող խոցելի ընտանիքներն՝ վճարելով կումունալ ծախսերը կամ տրամադրելով վառելիք։

Շահառուների ընտրությունը կատարվում է ՀՀ աշխատանքի և սոցիալական հարցերի նախարարության, մարզպետարանների և համայնքապետարանների հետ համակարգմամբ։


Հումանիտար աջակցություն հակամարտությունից տուժած խոցելի բնակչության համար

People in Need-ը՝  ԱՄՆ Միջազգային զարգացման գործակալության ֆինանսավորմամբ, աջակցում է Հայաստանում հակամարտությունից տուժած բնակչությանը՝ ապահովելով հիգիենայի և ձմեռակացի համար անհրաժեշտ պայմաններ, ինչպես նաև օգնում կանխել և մեղմացնել COVID-19-ի տարածումը: 

Ծրագիրն իրականացվում է Հայաստանի բոլոր մարզերում՝ թիրախավորելով շուրջ 50,000 շահառուների։

Կիրառելով կացարանների, առողջապահական ծառայությունների և սանիտարահիգիենիկ պայմանների ինտեգրված մոտեցումները՝ ծրագիրը նպատակ ունի

• անվտանգ և ձմեռակացին համապատասխան կերպով բարելավել այն ապաստարանները, որտեղ բնակվում են տեղահանված խոցելի խմբերը,

• COVID-19-ի տարածումից պաշտպանել տեղահանված և նրանց հյուրընկալող համայնքները` բարձրացնելով նրանց տեղեկացվածությունը, ինչպես նաև օգնել որդեգրել կանոններ, որոնք նվազագույնի կհասցնեն հիվանդությունների փոխանցումը կամ վարակվելու ռիսկը

• ապահովել, որպեսզի հակամարտությունից տուժած խոցելի բնակչությունը կիրառի հիգիենայի և վարակների կանխարգելման հիմնական պրակտիկան: 

Կարդալ ավելին Փակել