Հումանիտարից՝ զարգացման ծրագրեր․ People in Need-ը Հայաստանում է 2003 թ-ից

Հրապարակվել է 11 դեկ, 2018 թ. կարդալու ժամանակը՝ 3 րոպե
Հումանիտարից՝ զարգացման ծրագրեր․ People in Need-ը Հայաստանում է 2003 թ-ից
© Foto: Archiv Člověka v tísni

2018 թվականին People in Need չեխական հասարակական կազմակերպությունը նշեց Հայաստանում համագործակցության զարգացման 15, իսկ հիմնադրման՝ 30 ամյակը (1988 թվականի Հայաստանի ավերիչ երկրաշարժի ընթացքում էր)։ 2018 թվականի դեկտեմբերի 14-ին, Հայաստանում Չեխիայի դեսպանատունն այս նշանակալից տարին կնշի համատեղ միջոցառմամբ։

Առաջին հայացքից թվում է, որ այս երկու տարելիցներն իրար հետ կապված չեն։ Սակայն այդպես չէ։ 1988 թվականի Հայաստանի երկրաշարժը կապված է երկուսի հետ էլ՝ թե՛ Չեխիայի Հանրապետության կողմից միջազգային մարդասիրական օգնության տրամադրման և թե՛ People in Need-ի հիմնադրման։ Երեք տասնամյակ առաջ, երբ երկրաշարժը ցնցեց Հայաստանի հյուսիսային շրջանը, Պրահայում մի խումբ ուսանողներ նախաձեռնեցին ֆոնդհայթայթման արշավ, որը մասսայական արձագանք ստացավ։ Արդյունքում մարդասիրական մեծածավալ օգնություն ուղարկվեց Հայաստան: Հաջորդ տարիների ընթացքում հիմնադրվեց People in Need-ը։ Շիմոն Պանեկը՝ Հայաստան ուղարկված օգնության կազմակերպիչներից մեկը, մինչև օրս էլ կազմակերպության գործադիր տնօրենն է։

«Ամեն ինչ սկսվեց մարդուն օգնելու տարրական կարիքից», - ասում է Պանեկը։ Հայաստանում այսօր զարգացել են նոր մարտահրավերներ և համատեքստ, սակայն People in Need-ը շարունակում է աջակցել և սատարել տեղի բնակիչներին։

Հայաստանում People in Need-ը կենտրոնանում է աշխատատեղերի ստեղծման և հասանելիության, համայնքային և գյուղական բնակավայրերում տուրիզմի զարգացման, միգրանտների հայրենադարձության և վերաինտեգրման, երիտասարդների կարողությունների զարգացման և մարդու իրավունքների նկատմամբ հարգանքը զարգացնելու վրա։

Մինչ 2018 թվականը PIN-Հայաստանի աջակցությունն՝ արտահայտված թվերով․

1․Էկոտուրիզմի և գյուղական համայնքների զարգացմանն աջակցելու համար ստեղծվել է 250 կմ երկարությամբ քայլարշավային արահետ Սյունիքում։

2․ 9530 հնարավոր միգրանտներ և հայրենադարձներ ստացել են սոցիալական, իրավաբանական և տնտեսական խորհրդատվություն շրջանաձև միգրացիայի վերաբերյալ:

3․ 500 հայրենադարձներ մասնակցել են վերաորակավորման դասընթացների և աջակցություն են ստացել աշխատանք փնտրելիս։ Արդյունքում 136 մարդ գտել է աշխատանք։

4․ 504 ուսուցիչ ամբողջ Հայաստանում վերապատրաստվել են թրաֆիքինգի խնդիրների վերաբերյալ, ապա կրթել շուրջ 40 000 աշակերտի։

5․ Հայաստանի և Վրաստանի 190 դպրոց ներգրավված են վավերագրական ֆիլմերի միջոցով երիտասարդության շրջանում մարդու իրավունքների վերաբերյալ իրազեկվածության բարձրացման ծրագրում։ 300 ուսուցիչ վերապատրաստվել է, ապա գիտելիքները փոխանցել 9000 ուսանողի։

6․ Ամասիայի 89 տարեցի մատակարարվել է տնային խնամքի ամենաանհրաժեշտ ծառայություններ։

7․ Շիրակի մարզում հիմնվել է Ամասիայի բրդի գործարանը՝ նպատակ ունենալով ստեղծել նոր աշխատատեղեր և խթանել փոքր և միջին բիզնեսի զարգացմանը։ Ստեղծվելու են 60 նոր աշխատեղեր, իսկ 14 ՓՄՁ-ներ բրդի արժեշղթայի շրջանակներում ստանալու են աջակցություն։

«2003 թվականից ի վեր, ինչ PIN-ը հիմնադրվեց Հայաստանում, մենք հսկայական ջանքեր ենք ուղղել տարբեր ուղղություններով։ Արդյունավետ և կայուն ծրագրեր իրականացնելու համար մենք սերտորեն աշխատում ենք համայնքների ու համայնքապետարանների, տեղի գործընկերների հետ»,- ասում է PIN Հայաստանյան գրասենյակի ղեկավար Վարդուհի Դադունցը: 

«Այսօր մենք մեր աշխատանքում առաջնահերթություն ենք տնտեսության ուժեղացմանը և աշխատատեղերի ստեղծմանը։ Մենք դա անում ենք աջակցելով տեղական բիզնեսներին, համայքներին ու կառույցներին, վերակենդանացնելով տեղի ավանդույթները, նպաստելով տուրիզմի զարգացմանը և կիրառելով PIN-ի միջազգային փորձը։ Օրինակ, Շիրակի մարզում փոքր բիզնեսների զարգացման և աշխատատեղերի ստեղծմանը նպաստելու համար մենք մոդերնացրել և կյանքի ենք կոչել բրդի մշակման արհեստը»,-ասում է Վարդուհի Դադունցը։

Ծրագրի մասն են կազմում փոքր և միջին ձեռնարակատերերի, ինչպես նաև նրանց հավանական աշխատակիցների հմտությունների ու կարողությունների զարգացումը և Ամասիայի բրդի գործարանի հիմնադրումը։ Երկուսն էլ շատ ոգևորել են մարզի բնակիչներին։

«Բրդի մշակման դասընթացներն ու գործարանում աշխատելու հեռանկարը, ոչ միայն նվազեցնում է գործազրկության մակարդակը, այլ նաև կայուն ապագայի հույս է տալիս մեզ»,- ասում է Ցողիկ Գրիգորյանը՝ Մեղրաշատ գյուղից։

Դեկտեմբերի 14-ի միջոցառումը, որի ընթացքում բացման խոսքով հանդես կգա Սիմոն Պանեկը, մեր գործընկերների, դոնորների, ընկերների և այն մարդկանց, ում աջակցել ենք, հնարավորություն կտա հետադարձ հայացք նետելու մեր համատեղ կատարած աշխատանքներին և ոգեշնչվելու ապագայի համար։

Autor: People in Need

Այլ հոդվածներ